بسم الله الرحمن الرحيم
السلام عليكم و رحمة الله:
هذا أول موضوع لي في قسم الطبخ و الماكولات و أتمنى أن تعجبكم وصفتي التي
ابدلتها عدة مرات لأستخلص بهذه الوصفة الأخيرة، و هي كريم ديسير بنين خفيف
خير من الكريم ديسير تاع السوق دائما نطيبو في الدار و خاصة في شهر رمضان
حتى إخوتي ماعادوش ياكلو الكريم ديسير المشري من السوق ، المهم الوصفة:
1 لتر حليب، 3 ملاعق كبيرة نشاء (مايزينة)، 6 ملاعق كبيرة سكر أحرش، 2
ملاعق كبيرة كاكاو، فانيلا، علبة شكلاطة تاع 100 غ ( بريمة أو البقرة
الصغيرة ) تباع عند الحانوت، قرصة ملح نعم الملح يعطي بنة بنينة للشكلاطة و
كانها شيكولا noir .
اخلطي جميع المكونات جيدا (ماعدا علبة الشكلاطة) فوق نار متوسطة دون
التوقف على التحريك و عندما تعقد أو تخثر أضيفي علبة الشكلاطة و واصلي
الخلط حتى تذوب الشكلاطة، ثم أفرغيها في أواني صغيرة و اذا حبيتي صنعيها
بالكريم شانتي اذا كان عندك ضيوف و رائعة عند التقديم.
ملاحظة: اذا لم تتوفر علبة الشكلاطة ابدليها
بملعقة كبيرة تاع الزبدة، بصح كون ديري علبة الشكلاطة يجي أبن من كريم
ديسير دانات اللي نشوفه في التلفاز.